Amerískir dagar- Hádegisfundur um Norðurslóðir.

Fimmtudaginn 15.nóvember kl 12.00-13.00 mun dr. Anna Kerttula de Echave fjalla um hnattrænar breytingar á norðurslóðum á hádegisfundi í Húsi verslunar, 7. hæð.
Erindi hennar verður flutt á ensku og ber yfirskriftina: Global Change: Perspectives from the North. Hún ræðir um félagslegar breytingar á norðurheimskautssvæðinu sem og hlýnun og breytingar á veðurfari. Anna Kerttula veltir því fyrir sér hvernig heimskautavísindi geti upplýst alþjóðasamfélagið um þær breytingar sem framundan eru.

Anna Kerttula er mannfræðingur og yfirmaður arktíska félagsvísindasviðs Bandaríska vísindasjóðsins 

Á haustmánuðum 2012 er hún gistifræðimaður við Stofnun Vilhjálms Stefánssonar sem vísindafélagi Bandaríska sendiráðsins á Íslandi. Skráning hjá kristin@chamber.is