Aðalfundur Amerísk-íslenska viðskiptaráðsins mánudaginn 23. maí 2016

Stjórn Amerísk-íslenska viðskiptaráðsins boðar til aðalfundar félagsins mánudaginn 23. maí 2016, kl. 11:30

Dagskrá fundarins verður í samræmi við 12. gr. samþykkta félagsins, sem hér segir:

1. Skýrsla stjórnar
2. Ársreikningar
3. Kosning formanns
4. Kosning stjórnarmanna
5. Kosning endurskoðanda
6. Kynning á fjárhagsáætlun næsta rekstrarárs og ákvörðun árgjalda
7. Breytingar á samþykktum – breytingartillaga liggur fyrir.
8. Önnur mál

Stjórn ráðsins leggur til tvær breytingar á samþykktum félagsins. Annars vegar breytingu á 14. gr. í þá veru að formanni ráðsins verði fengin heimild til þess að taka ákvarðanir sem binda félagið á samstarfsvettvangi millilandaráða og Viðskiptaráðs Íslands. Hins vegar breytingu á 17. gr. samþykkta ráðsins sem lýtur að reikningssári félagsins.


Nýr málsliður bætist þannig við 14. gr.
Formaður félagsins kemur fram fyrir hönd félagsins í samstarfi millilandaráða á vettvangi Viðskiptaráðs Íslands. Atbeina stjórnar þarf ekki til ákvarðana formanns á þeim vettvangi.


17. gr. orðist eftirleiðis þannig:
Reikningsár félagsins er frá 1. apríl til 31. mars ár hvert.


Í samræmi við 13. gr. samþykkta félagsins verður formaður kosinn á fundinum auk þriggja stjórnarmanna.

Vakin er athygli á því að samkvæmt 13. gr. samþykkta félagsins skulu framboð til stjórnar tilkynnt til formanns eða framkvæmdastjóra a.m.k. 2 vikum fyrir aðalfund.

Í beinu framhaldi af aðalfundi er boðið til hádegisfundar með Birni Bjarnasyni fyrrverandi ráðherra og Guðna Th. Jóhannessyni dósent í sagnfræði við Háskóla Íslands og forsetaframbjóðenda. Pétur Þ. Óskarsson, Framkvæmdastjóri samskiptasviðs Icelandair Group, stýrir fundinum. Sérstök skráning er fyrir þann fund- SMELLTU HÉR

**

Dagskrá

Mánudaginn 23. maí / kl 12.00-13.00

 

11.30-12.00 Aðalfundur 
12.00-13.00 Fundur um öryggi, eftirlit og varnarmál: Þróun á Norðuslóðum og staða Íslands. 

**


Hvar: Grand hótel, Hvammur
Verð: 2.900 kr.
Tungumál: íslenska

Skráning á aðalfund AMIS - SMELLTU HÉR


Stjórnin.